Хитойнинг Ханчжоу шаҳрида G20 саммитининг очилиши арафасида мезбонлар ва АҚШ томони ўртасида тушунмовчилик юзага келди, деб хабар беради Meduza.
AP’га кўра, АҚШ президенти Барак Обама Ханчжоуга учиб келиши ҳамон кўнгилсизликлар бошланди — унинг самолётига трап тақдим этилмади. Президент гиламли йўлдан туша олмай, бошқа йўл орқали самолётдан тушишга мажбур бўлди.
Шундан сўнг хитойлик амалдор америкалик журналистларга президент ёнида юришни тақиқлади. АҚШ делегацияси вакили бунга қарши чиққанида амалдор бунга жавобан: «Бу бизнинг мамлакат! Биз бизнинг аэропорт!» — деб бақирди.
Reuters’нинг билдиришича, Обама Ханчжоу аэропортида содир бўлган воқеага жиддий муносабатда бўлмасликни таклиф қилди.
Изоҳ (0)