АҚШ президенти Барак Обама унинг маъмурияти турк расмийларига давлат тўнтаришига уринишни ташкиллашда айбдорларни жавобгарликка тортишни таъминлашга тайёр эканлигини билдирди. Бу ҳақда «РИА Новости» хабар бермоқда.
Ўз навбатида, Туркия президенти Ражаб Тоййиб Эрдўғон унинг мамлакати АҚШга Анқара тўнтаришга уринишни ташкиллашда айблаётган Фатҳуллоҳ Гуленга оид янги материалларни тақдим этиш ниятида эканлигини маълум қилди. Шунингдек, Эрдўғон АҚШ ва Туркия қайси гуруҳларни террорчи ташкилот сифатида санаш юзасидан умумий қарашни шакллантириши зарурлигини таъкидлади.
Обама ва Эрдўғоннинг учрашуви Ханчжоудаги (Хитой) G20 саммити доирасида бўлиб ўтди. Бу икки мамлакат етакчиларининг Туркияда жорий йил июлида бўлиб ўтган тўнтаришга уринишдан кейинги илк музокаралари бўлди.
Изоҳ (0)