Хитой Ҳиндистон билан биргаликда глобал иқтисодиёт ўсишини рағбатлантириш ниятида. Бу ҳақда Си Цзиньпин G20 саммитида иштирок этиш учун Ханчжоуга келган Ҳиндистон бош вазири Нарендра Моди билан учрашуви чоғида маълум қилди, дея хабар беради «ТАСС».
«Хитой томони Ҳиндистон билан ‘катта йигирматалик’ доирасида ҳамкорликни чуқурлаштириш, глобал иқтисод ўсишини рағбатлантириш ва дунё хўжалигини бошқариш тизимини такомиллаштиришга биргаликда ҳисса қўшиш ниятида», — дея таъкидлади Хитой раиси. У инфраструктура қурилиши ва саноат соҳаларида икки томонлама муносабатлар мустаҳкамланишига умид билдирди.
Нарендра Моди Хитой билан алоқалар аҳамиятига юқори баҳо берди. «Хитой ҳамда Ҳиндистонинг стратегик шериклик ва ҳамкорликка асосланган муносабатлари икки давлат, минтақа ва бутун дунё учун ўта муҳим», — дея маълум қилди бош вазир.
Изоҳ (0)