Президентлик сайловларида иштирок этиш учун истеъфога чиққан собиқ Франция иқтисодиёт вазири Эмманюэль Макрон ўз қарорининг сабабларини тушунтириб берди ҳамда амалдаги президент Франсуа Олландни танқид остига олди, деб хабар беради «РИА Новости».
«Мен ҳаракатдан, таклифлар киритишдан ва туртки беришдан тўхтамадим... Муваффақиятга эришиш учун ишни ярим қилмаслик керак, аммо, афсуски, биз кўп ишни фақат ярмигача бажардик. Иқтисодий ислоҳотларнинг иккинчи босқичини амалга оширмаслик фойдасига танлов қилинди, мен буни янги иқтисодий имкониятлар тўғрисидаги қонун воситасида таклиф қилган эдим», — деди у.
Макрон президент билан терактлардан сўнг ихтилофга киришгани ҳақида ҳам гапирди. У аввал бошидан Олланднинг нуқтаи назарига қўшилмаганини ва давлат раҳбари бундан бохабар эканлигини таъкидлаб ўтди.
Изоҳ (0)