Голливуд актёри Леонардо ди Каприони Федерал қидирув бюроси ходимлари Малайзиянинг 1MDB давлат фондидан маблағ ўғирланиши ҳақидаги иш бўйича сўроқ қилди, деб ёзади «Корреспондент.net» Швейцариянинг Le Temps нашрига таяниб.
Ўғриликларга алоқадорликда ди Каприонинг хайрия ташкилотини гумон қилишди, аммо актёрнинг ўзига айблов эълон қилинмади.
1MDB’ни 2009 йилда Малайзиядаги инфратузилмавий лойиҳаларни молиялаштириш учун ташкил қилишган, бироқ 2015 йилда ундан 3,5 миллиард долларни чиқариб кетишгани, фонд эса 11 миллиард доллар қарзга ботгани маълум бўлди.
Шу ой АҚШ адлия вазирлиги Ди Каприони 1MDB’дан пул ўғирлашга алоқадор қилувчи баъзи фактларни ўз ичига олган маърузани эълон қилди. Актёр, масалан, шов-шувга аралашиб қолган молиячи Жоу Лоу ва «Уолл-стритлик бўри» фильмини суратга олган студия асосчилари билан таниш.
Актёрнинг ташкилоти — Ди Каприо фонди эса 1998 йилда атроф-муҳит ифлосланиши ва глобал исиш масалалари билан шуғулланиш учун тузилган.
Изоҳ (0)