Бразилиянинг Сан-Паулу шаҳрида президент Дилма Руссефф лавозимидан четлатилишига қарши норозилик намойишлари чоғида 4 киши қўлга олинди, дея хабар беради «Интерфакс».
Тартибсизликлар давомида намойишчилар шаҳар марказий кўчаларида автомобиль резиналарини ёқиб юборди. Улар олиб келинган полиция биноси олдида оломон тўпланган бўлиб, одамлар ҳибсга олинганлар озод қилинмагунча тарқалиш ниятида эмас.
Бразилия олий федерал суди раиси Рикарду Левандовскига кўра, ҳозирда парламентда баҳс кетаётган президентга нисбатан импичмент масаласида якуний қарор 31 август, чоршанба куни чиқарилади.
Овоз беришда 81 нафар сенатор иштирок этади. Дилма Руссефф лавозимидан четлатилиши учун 54 кишининг буни ёқлаб овоз бериши талаб этилади.
Изоҳ (0)