Испаниялик сайёҳ Кабарда-Балкария тоғларида ҳалок бўлди. Бу ҳақда ФВВ Эльбрус қидирув-қутқарув отряди навбатчиси Аслан Курданов маълум қилди, дея хабар бермоқда «ТАСС».
«Тютю-су тоғи ён-атрофида денгиз сатҳидан тахминан уч минг метр баландликда Испания фуқароси тоққа чиқиш пайтида пастга қулаб кетди ва ҳалок бўлди. У беш—етти кишидан иборат гуруҳ таркибида бўлган, дастлабки маълумотларга қараганда, улардан тўрт нафари чет эллик бўлган», — деди у.
Қутқарувчилар ҳали саёҳатчиларгача етиб боролмади. Қидирув-қутқарув отрядининг тўққиз нафар ходимидан иборат гуруҳ Москва вақти билан 5:00 да ҳодиса жойига йўл олди. Йўл яқин бўлмаганлиги сабабли улар альпинистларга 5—6 соатдан сўнг етиб бориши мумкин.
Изоҳ (0)