Яқинда ўтказиладиган Паралимпия ўйинлари шарафига Vogue журналининг Бразилиядаги версияси маҳаллий паралимпия спортчилари — Ренато Лейти ва Бруна Александре иштирокидаги кампанияни ишга туширди, аммо уларнинг ўрнига суратларда фотошопда ўзгартирилган профессионал моделлардан фойдаланди, деб ёзади TJournal.
Фотошоп ёрдамида моделларнинг қўл ва оёғи ампутация қилинди. Спортчиларнинг ўзлари фотосессияда иштирок этди ва уларга нисбатан ҳеч қандай эътироз билдирмади.
Аммо Бразилия Vogue’ининг ғояси ҳам интернет фойдаланувчилари, ҳам паралимпия ҳаракати аъзолари танқидига учради.
«…Vogue паралимпия фотосессияси учун оддий моделлардан фойдалангани сабабини тушуниш қийин. Бундай одамлар шундоқ ҳам йирик ОАВларнинг эътиборига камдан-кам тушади», — деди Британия ногиронлар фонди ходими Ричард Лейн.
Vogue журналининг ўзи аниқлик киритишича, реклама кампанияси «Барчамиз» деб номланиб, ҳамма одамлар имкониятлари бўйича тенглигини ва шунга мувофиқ, улар паралимпиячилар эканлигини назарда тутади. Нашр ўз фотосессияси орқали айнан шуни кўрсатмоқчи бўлган.
Изоҳ (0)