Ла Лига. «Реал»нинг кетма-кет иккинчи ғалабаси, «Атлетико»нинг дебютанга қарши кетма-кет иккинчи очко йўқотиши

Футбол бўйича Испания Ла Лигасида 2-турнинг 6 та ўйинига 27 август куни якун ясалди.

Чемпионлар Лигасининг амалдаги ғолиби «Реал» ўз майдонида «Сельта»ни қабул қилиб, 2:1 ҳисобида муваффақият қозонди. Алваро Мората мавсумдаги илк голини киритган ўйинда ғалаба голини уриш Тони Кроосга насиб қилди.

Мадриднинг бошқа бир клуби «Атлетико» эса кетма-кет иккинчи турда ҳам дуранг ўйнади. Биринчи турда бўлгани каби дебютант клубни синовдан ўтказган Диего Симеоне жамоаси 2 очко йўқотди.

Испаниянинг амалдаги чемпиони «Барселона» 2-турни 28 август куни Бильбаода «Атлетик»ка қарши ўтказади.

Испания Ла Лигаси 2-тур беллашувлари 27 август, шанба

«Бетис» — «Депортиво» 0:0

«Эспаньол» — «Малага» 2:2

«Осасуна» — «Реал Сосьедад» 0:2

«Эйбар» — «Валенсия» 1:0

«Реал Мадрид» — «Сельта» 2:1

«Леганес» — «Атлетико» 0:0