La Liga. “Real”ning ketma-ket ikkinchi g‘alabasi, “Atletiko”ning debyutanga qarshi ketma-ket ikkinchi ochko yo‘qotishi

Futbol bo‘yicha Ispaniya La Ligasida 2-turning 6 ta o‘yiniga 27-avgust kuni yakun yasaldi.

Chempionlar Ligasining amaldagi g‘olibi “Real” o‘z maydonida “Selta”ni qabul qilib, 2:1 hisobida muvaffaqiyat qozondi. Alvaro Morata mavsumdagi ilk golini kiritgan o‘yinda g‘alaba golini urish Toni Kroosga nasib qildi.

Madridning boshqa bir klubi “Atletiko” esa ketma-ket ikkinchi turda ham durang o‘ynadi. Birinchi turda bo‘lgani kabi debyutant klubni sinovdan o‘tkazgan Diyego Simeone jamoasi 2 ochko yo‘qotdi.

Ispaniyaning amaldagi chempioni “Barselona” 2-turni 28-avgust kuni Bilbaoda “Atletik”ka qarshi o‘tkazadi.

Ispaniya La Ligasi 2-tur bellashuvlari 27-avgust, shanba

“Betis” — “Deportivo” 0:0

“Espanyol” — “Malaga” 2:2

“Osasuna” — “Real Sosyedad” 0:2

“Eybar” — “Valensiya” 1:0

“Real Madrid” — “Selta” 2:1

“Leganes” — “Atletiko” 0:0