Эрон ҳарбий катерлари Ормуз бўғозида хавфли даражада яқинлашган АҚШнинг Nitze ракета эсминеци халқаро сувларда бўлган, бундай ҳаракатларни эса оқлаб бўлмайди. Оқ уй матбуот котиби Жошуа Эрнест шу ҳақда маълум қилди, дея хабар беради «ТАСС».
«Эрон кемаларининг мақсади қандай бўлгани ҳозиргача маълум эмас, бироқ уларнинг ҳаракатини оқлаб бўлмайди. Айниқса, АҚШ кемаси халқаро сувларда бўлганини ҳисобга олганда. Бундай ҳодисалар хавотир уйғотади, кескинлик кучайишига олиб келиши мумкин», — дея таъкидлаган Эрнест.
Пентагоннинг билдиришича, Эрон ҳарбий катерлари қайта-қайта огоҳлантиришларга қарамай, Nitze эсминецига хавфли даражада яқинлашган, улардан иккиси 300 ярдгача (274 метр атрофида) келган. Шундан сўнггина катерлар тезликни камайтирган ва кемадан узоқлашган.
Изоҳ (0)