Туркия президенти Ражаб Тоййиб Эрдўғон мамлакат жанубидаги Газиантеп шаҳрида тўй маросими чоғида рўй берган теракт ИШИД томонидан уюштирилганини истисно этмади. Бу ҳақда «РБК» хабар бермоқда.
«Туркияни енга олмай, миллий ва диний асосда нафрат уйғотиш, одамларни бир-бирига гижгижлашга ҳаракат қилаётганлар ўз мақсадига эриша олмайди», — деб таъкидлади президент. Эрдўғонга кўра, мазкур терактни Курдистон ишчи партияси, Фатҳуллоҳ Гулен бошчилигидаги FETO ташкилоти ёки ИШИД жангарилари амалга оширганининг фарқи йўқ.
Шунингдек, Туркия раҳбари теракт қурбонлари ва жабрдийлари сонига аниқлик киритди. Расмий маълумотларга кўра, 27 киши ҳудкуш ҳужуми қурбони бўлди, яна 94 киши турли даражада жароҳат олди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)