Yaqin orada bo‘lajak astronavtlarni saralashni boshlaydigan Kanada kosmik agentligi salkam to‘rt mingga yaqin kishidan talabnoma oldi. Bu haqda “TASS” xabar bermoqda.
CBC telekanali ma’lumotlariga ko‘ra, 2016-yil iyulidan hozirga qadar agentlik 3772 ta talabnoma oldi. Murojaat etganlarning 70 foizi erkaklardir. Talabgorlardan 374 nafari ayni paytda Kanadada istiqomat qilmaydi.
Ma’lumot uchun, 1983-yildan beri agentlik 12 astronavtni tanlab oldi, ulardan sakkiz nafari koinotga amalga oshirilgan 16 ta xalqaro missiyada ishtirok etdi.
Joriy yilning may oyida 46 yoshli David Sen-Jak Xalqaro kosmik stansiyaga parvoz qiladigan kelgusi kanadalik astronavt ekanligi ma’lum bo‘ldi. Sen-Jak 2018-yilda u yerga uchadi, uning 6 oy davomida koinotda bo‘lishi ko‘zda tutilgan.
Izoh (0)