97 килограммгача бўлган спортчилар ўртасидаги мусобақада Ўзбекистон шарафини ҳимоя қилаётган Магомед Ибрагимов Рио—2016 Олимпиадасининг чорак финалида озарбайжонлик Хетаг Газюмовга қарши гиламга чиқди.
Кураш 12:3 ҳисобида Хетаг Газюмовнинг фойдасига ҳал бўлди ва у ярим финал чиптасини қўлга киритди.
Магомед Ибрагимов чорак финалга қадар иккита жанг ўтказиши керак эди. Саралаш босқичида унинг Гвинея-Бисаудан бўлган рақиби курашдан бош тортган бўлса, нимчорак финалда Магомед нигериялик Сосо Тамарауни 13:0 ҳисобида мағлуб этганди.
Изоҳ (0)