Сингапур полицияси Pokemon Go ўйини туфайли икки кишини ҳибсга олди. Бу ҳақда «ТАСС» хабар бермоқда.
Today нашрининг билдиришича, 14-авгут, якшанба куни савдо марказларидан бирига кираверишда пиёда ва ҳайдовчи ўртасида муштлашув келиб чиққан. Йўлдан ўтаётган пиёда покемон тутишга шу қадар қизиқиб кетганки, йўл ўртасида тўхтаб қолган. Унинг ўтишини кутиб турган ҳайдовчи ўз норозилигини билдирган, кейинчалик ихтилоф муштлашувга кўчган. Воқеа жойига етиб келган полиция нарядигина муштлашувни тўхтатган.
Жанжал иштирокчилари идорага етказилиб, уларга нисбатан жиноий иш очилган. Эндиликда улар бир йилгача озодликдан маҳрум қилиниши ёки 5 минг Сингапур доллари (3,7 минг АҚШ доллари) миқдорида жаримага тортилиши мумкин.
Изоҳ (0)