АҚШнинг Луизиана штатидаги кучли тошқин қурбонлари сони 11 кишига етди. Бу ҳақда «Интерфакс» хабар бермоқда.
Олдинроқ табиий офат туфайли 3 киши ўлгани билдирилганди.
Тошқинлар оқибатида 40 мингга яқин уй у ёки бу даражада шикастланди. 20 мингдан ортиқ киши кўчирилди, улардан 8 минги вақтинчалик жойлаштириш марказларида қолмоқда.
Маҳаллий расмийлар штатнинг 20 округида фавқулодда ҳолат жорий этди. Айниқса, ҳудудининг тўртдан уч қисми сув остида қолган Ливингстон округи табиий офатдан энг кўп азият чекди.
Изоҳ (0)