Лондонда Шимолий Кореянинг юқори мартабали дипломати ғойиб бўлди. Бу ҳақда The Guardian манбаларига таяниб, «Интерфакс» хабар бермоқда.
Жанубий Корея ОАВларига кўра, агар мазкур маълумот тасдиқланса, бу КХДР ва Буюк Британия ўртасида 13 йил авввал расмий дипломатик алоқалар ўрнатилгандан бери элчихона ходимлари билан боғлиқ биринчи ҳолат бўлади.
Дипломат оиласи билан Лондоннинг ғарбий ҳудудидаги КХДР элчихонасида истиқомат қилган ва кунларнинг бирида хотини ҳамда болалари билан ғойиб бўлган. Унинг учинчи мамлакатдан бошпана излаётган бўлиши мумкинлиги билдирилмоқда.
Таъкидланишича, дипломат Лондонга қочиб ўтган Шимолий кореяликлар ортидан кузатиш топширилган элчихонанинг беш нафар ходимидан бири эди. Ундан ташқари, Буюк Британия томонидан КХДРда инсон ҳуқуқлари бузилиши борасидаги танқидларни инкор этиш ҳам унинг зиммасига юклатилган.
Ғойиб бўлган дипломат вазир Тхэ Ен Хо ёки элчихонанинг учинчи котиби Рю Гён-Цзюнь бўлиши мумкинлиги тахмин қилинмоқда.
Изоҳ (0)