АҚШ президентлик лавозимига Республикачилар партиясидан номзод Дональд Трамп АҚШ Вакиллик палатаси спикери Пол Райанни конгресснинг бўлажак сайловларида қўллаб-қувватлашини билдирди. Бу ҳақда Reuters маълумотига таяниб, «РБК» хабар берди.
«Бизда келишмовчиликлар бўлиб туриши мумкин, бироқ биз дўстлигимизни сақлаган ҳолда тортишиб турамиз», — деди Трамп.
У, шунингдек, Аризона сенатори Жон Маккейн ва Нью-Гэмпширдан Келли Эйоттни ҳам қўллаб-қувватлади.
Аввалроқ миллиардер нуфузли республикачилар Райан ва Маккейнни қўллаб-қувватлашга тайёр эмаслигини билдирган эди.
АҚШ конгрессига сайловлар президентлик лавозимига сайловлар билан бир вақтда 2016 йилнинг 8 ноябрида бўлиб ўтади.
Изоҳ (0)