AQSh prezidentlik lavozimiga Respublikachilar partiyasidan nomzod Donald Tramp AQSh Vakillik palatasi spikeri Pol Rayanni kongressning bo‘lajak saylovlarida qo‘llab-quvvatlashini bildirdi. Bu haqda Reuters ma’lumotiga tayanib, “RBK” xabar berdi.
“Bizda kelishmovchiliklar bo‘lib turishi mumkin, biroq biz do‘stligimizni saqlagan holda tortishib turamiz”, — dedi Tramp.
U, shuningdek, Arizona senatori Jon Makkeyn va Nyu-Gempshirdan Kelli Eyottni ham qo‘llab-quvvatladi.
Avvalroq milliarder nufuzli respublikachilar Rayan va Makkeynni qo‘llab-quvvatlashga tayyor emasligini bildirgan edi.
AQSh kongressiga saylovlar prezidentlik lavozimiga saylovlar bilan bir vaqtda 2016-yilning 8-noyabrida bo‘lib o‘tadi.
Izoh (0)