Яшаш ва ишлаш учун энг қиммат шаҳарлар рейтингида сўнгги 2,5 йил давомида етакчилик қилиб келган Лондон ўз ўрнини Нью-Йоркка бўшатиб берди, деб ёзади «ТАСС». Буюк Британия пойтахти Гонконгдан кейинги учинчи ўринга тушиб қолди.
Бундай ўзгаришларни таҳлилчилар Британиянинг Евроиттифоқдан чиқиш қароридан сўнг фунт стерлинг курси пасайиб кетиши билан боғламоқда.
Savallis кўчмас мулк агентлиги ҳисоботида айтилишича, 2016 йил бошидан буён Лондонда яшаш харажатлари доллар ҳисобида 11 фоизга арзонлашиб, йилига 100,1 минг долларни ташкил этди. Нью-Йоркда эса бу кўрсаткич, аксинча, йил бошидан бери 2 фоизга ўсди ва йилига 114 минг долларга етди. Гонконг 2016 йилнинг биринчи ярмида 2016 йил бошига қараганда 1 фоизлик ўсишни намоён қилди: яшаш харажатлари йилига 100,9 минг долларни ташкил этди.
Изоҳ (0)