Туркияда ҳарбий тўнтаришга уриниш натижасида мамлакат иқтисодиёти 100 миллиард доллар зарар кўрди. Бу ҳақда Туркия Божхона ва савдо вазири Бюлент Тюфенкчи маълум қилди, деб хабар бермоқда «Интерфакс».
«Дастлабки ҳисоб-китобларга кўра, барча ҳарбий самолёт, вертолёт, қурол-яроғ, бомба ва зарарланган биноларни инобатга олсак, бу камида 300 миллиард лира (тахминан 100 миллиард доллар)га айланди», – дея Бюлент Тюфенкчининг сўзларидан иқтибос келтиради Hurriyet газетаси.
Божхона ва савдо вазири гап фақатгина дастлабки ҳисоб-китоблар ҳақида кетаётганига урғу бериб ўтди. Етказилган зарар миқдори ошиши мумкинлиги қайд этилмоқда.
Бюлент Тюфенкчининг сўзларига кўра, мамлакатда ҳарбий тўнтаришга уриниш оқибатида хориждан кўплаб буюртмалар бекор қилинди, сайёҳлар эса Туркияга ташриф қилишни бош тортди.
Изоҳ (0)