«Бухоро» клуби футбол бўйича Ўзбекистон Кубогининг ярим финалига йўлланма олди. Чорак финал жавоб ўйинида «Қўқон—1912» устидан 2:0 ҳисобида зафар қучган бухороликлар, энди Ўзбекистон Кубоги финалида ўйнаш учун ҳаракат қилади.
Ўзбекистон Кубогининг ярим финалига биринчи бўлиб Тошкентнинг «Локомотив» клуби йўл олганди. Бугун — 29 июль куни финал остонасидаги учинчи жамоа номи ҳам аниқ бўлади. Бу йўлда «Насаф» ўз майдонида «Андижон»ни қабул қилади. Томонларнинг водийда кечган ўйинида Қарши клуби 2:0 ҳисобида зафар қучганди.
Чорак финалнинг тўртинчи жуфтлигини «Бунёдкор» ва «Металлург» клублари ташкил этилган бўлиб, томонлар дастлабки учрашувни 29 июль куни ўтказади.
Ярим финалда «Локомотив»нинг рақиби «Бунёдкор» — «Металлург» жуфтлиги ғолиби бўлади. «Бухоро» эса «Насаф» — «Андижон» жуфтлиги ғолибига қарши финал учун майдонга тушади.
Изоҳ (0)