Миллиардер Алишер Усмонов Россия олимпия қўмитаси қошидаги антидопинг комиссияси таркибига кирди. Бу ҳақда, комиссия раиси Виталий Смирновга асосланиб, «Интерфакс» хабар бермоқда.
Комиссия таркибида ҳозирги вақтда 30 киши бор. Смирновнинг маълум қилишича, допингга қарши кураш бўйича мустақил жамоатчилик комиссия фаолияти бюджет маблағлари ҳисобидан молиялаштирилмайди.
Бундан ташқари, Смирновнинг қайд этишича, у комиссия фаолиятида WADA ҳам иштирок этишига рози. Бундан ташқари, у Рио-де-Жанейрода Халқаро олимпия қўмитаси раҳбарияти ва Россиядаги допинг муаммоси ҳақидаги ҳисобот муаллифи Ричард Макларен билан учрашиш ниятида.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)