Шиа исёнчилари — хусийлар ва умумхалқ конгресси (УК) томонидан Яманни бошқариш учун Олий сиёсий кенгаш тузилиши ҳақида эълон қилиниши Кувайтда ўтказилаётган музокараларнинг бориши учун хавф туғдиради ва БМТ хавфсизлик кенгаши резолюциясининг бузилиши ҳисобланади. Бу ҳақда халқаро ташкилот бош котибининг махсус вакили Исмоил Шайх Аҳмаднинг матбуот хизмати маълум қилди, дея хабар беради «ТАСС».
«Мазкур баёнот БМТ шафелигида Ямандаги можарони тартибга солиш юзасидан хусийлар ва УК зиммасига олган мажбуриятларга зид ҳисобланади. Ушбу қадам сиёсий жараён доирасидан четга чиқиш бўлиб, Кувайтдаги музокаралар давомида эришилган силжишлар учун таҳдид туғдиради», — дейилади матбуот хизмати хабарида.
Изоҳ (0)