Беш нафар америкалик ҳарбий хизматчи Афғонистонда ИШИД террорчилик гуруҳига қарши операция чоғида жароҳатлар олди, деб ёзади «ТАСС». Бу ҳақда Reuters АҚШнинг Афғонистондаги контингенти қўмондони генерал Жон Николсонга таяниб хабар берди.
Агентлик маълумотларига кўра, ҳарбийлар Афғонистон махсус топшириқли бўлинмалари билан ҳамкорликда ўтказилган Нангархар провинциясининг ИШИД назорати остидаги туманларини тозалаш операцияси чоғида яраланган.
Николсон таъкидлашича, жабрланганларнинг икки нафари хизматга қайтган, қолганлар эвакуация қилинган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)