Буюк Британия ОАВлари тушкун руҳдаги башоратлардан фарқли равишда мамлакат иқтисодиёти Евроиттифоқдан ажралиш тўғрисидаги референдумдан сўнг тикланиш аломатларини намойиш этаётганини хабар қилмоқда. Бу ҳақда «Корреспондент.net» хабар берди.
Times нашрининг «Ишонч учун имкон» деб номланган мақоласида таъкидланишича, Британия ялпи ички маҳсулоти жорий йил иккинчи чорагида 0,6 фоизга ўсди. GSK (фармацевтика) ва McDonald’s (тез овқатланиш тармоғи) каби йирик корпорациялар мамлакатдаги бўлинмаларига кўп миллионли инвестициялар киритилиши ва минглаб янги иш ўринлари яратилиши ҳақида эълон қилган. Тадбиркорлар орасида оммалашган Лондон-Сити аэропорти ҳам кенгайтирилиши ва бунга 344 миллион фунт стерлинг ажратилиши маълум бўлди.
АҚШнинг Wells Fargo банки Лондонда 300 миллион фунтга янги штаб-квартира харид қилди. Taylor Wimpey девелоперлик компанияси эса бироз танаффусдан сўнг яна бино ва иморатлар тиклаш учун ер сотиб олишни бошлагани билдирилди.
Изоҳ (0)