Бир неча кунлардан буён Арманистон пойтахти Ереваннинг Эребуни туманидаги полиция патруль-пост хизмати полкини ушлаб турган «Сасна црер» қуролли гуруҳи вакиллари тез ёрдам бригадасини қўлга олгани ҳақидаги хабарларни инкор қилди. Бу ҳақда «РБК» хабар бермоқда.
«Таъсис парламенти» мухолиф ташкилоти вакили Алек Енигомшян шифокорлар гаровга олинмаганини, «уларнинг ўрнига бошқа шифокорлар бригадаси келганидан сўнг» тиббиёт ходимлари бемалол кетиши мумкинлигини уқтирмоқда.
Енигомшяннинг сўзларига қараганда, полк ҳудудига уч кундан бери шифокорлар келмаяпти, гуруҳ вакилларидан бири эса яраланган бўлиб, тиббий ёрдамга муҳтож.
Илгари «Сасна црер»чилар шифокорларни гаровга олгани хабар қилинган эди. Эндиликда ушбу ахборот инкор этилмоқда.«Шифокорлар гаровда эмас», — таъкидлади Енигомшян.
Изоҳ (0)