Ироқ хавфсизлик кучлари ИШИД раҳбари Абу Бакр ал-Бағдодийнинг ёрдамчиларидан бирини йўқ қилди. Бу ҳақда мамлакат мудофаа вазирлиги томонидан тарқатилган баёнотда маълум қилинди, деб хабар беради «ТАСС».
«‘Йўлбарс’ тезкор штаби бошқарувидаги 20-мотоўқчи бригада биринчи батальони жангчилари Дияла вилояти шимолидаги Абу Сайда туманида, ал-Мухиса манзилида Абу Бакр ал-Бағдодийнинг ёрдамчиси бўлган Ҳошим Насиф Жасим ал-Ҳилолий ва унга ҳамроҳлик қилган бир қатор жангариларни ўлдирди. У Мосулни қўлга олишда иштироқ этган дала қўмондонларидан бири эди, кейинчалик Диялага юборилган ва бу ерда террорчилар фаолиятига раҳбарлик қилган», — дейилади вазирлик баёнотида.
Ироқ ОАВ таъкидлашича, ал-Мухисада жангариларни тайёрлайдиган бир неча кичик лагерлар бўлган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)