Медведев 5 млн кишига етган обуначиларига соғлиқ ва яхши кайфият тилади

Россия бош вазири Дмитрий Медведев Twitter’да сони 5 миллион кишига етган обуначиларига соғлиқ ва яхши кайфият тилади, деб ёзади «Газета.ru».

«5 011 584 кишига етиб қолибсиз. Қизиқишингиз учун раҳмат! Сизларга соғлиқ ва яхши кайфият тилаб қоламан!» — деб ёзди бош вазир.

Шу тариқа Медведев ўзининг Қримга ташрифи чоғида янграган ва ҳозирда оғиздан-оғизга ўтиб машҳур бўлиб кетган иборасини такрорлади.

«Ҳозир пул йўқ, топишимиз билан индексацияни қиламиз. Сиз сабр қилинг, сизга яхши кайфият ва соғлиқ тилайман», — деганди бош вазир Қрим аҳолисига.

Вас уже 5 011 584. Спасибо за ваш интерес! Здоровья вам и хорошего настроения! pic.twitter.com/3eywFkhsqB

— Дмитрий Медведев (@MedvedevRussia) July 23, 2016