Россия мудофаа вазирлиги ОАВларнинг Россия авиацияси Британия ва Америка махфий базасига зарбалар бергани ҳақидаги хабарларини изоҳлади, деб ёзади «Газета.ru».
Россия мудофаа вазирлиги расмий вакили Игорь Конашенков таъкидлашича, ИШИД террорчилик гуруҳига қарши кураш бўйича халқаро коалиция ҳарбийлари дуч келган, Россия ҳарбий-космик кучлари фаолият юритаётган ҳудудга тушиб қолиш хавфи учун жавобгарлик уларнинг ҳарбий раҳбарияти зиммасидадир.
«Суриядаги ИШИДга қарши коалиция мамлакатлари махсус бўлинмаларининг ҳарбий хизматчилари Россия ҳарбий-космик кучлари авиацияси қўлланилаётган ҳудудларга тушиб қолиш хавфига дуч келаётгани учун жавобгарлик фақат уларнинг ҳарбий раҳбарияти зиммасида. Биз доимий равишда ва барча мавжуд каналлар орқали шерикларимизни уларнинг назорати остидаги ‘мўътадил мухолифат’ отрядларининг жойлашуви ҳақида маълумот бериб туришга чақирамиз», — деди у.
Нашр эслатишича, аввалроқ The Wall Street Journal нашри Россия ҳарбий-космик кучлари Суриядаги АҚШ фойдаланадиган базага зарбалар бергани ҳақида хабар қилган эди. Кремлдагилар АҚШнинг Суриядаги махфий базаси ҳақида билмаслигини таъкидлади.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)