Франция парламенти мамлакатда фавқулодда ҳолат режимини олти ой муддатга узайтириш ҳақидаги қонун лойиҳасини узил-кесил тасдиқлади, дея хабар бермоқда «ТАСС». Ҳужжат республика парламентининг иккала палатаси — Миллий мажлис ва Сенатдаги якуний овоз беришларда аъзоларнинг кўпчилиги томонидан қўллаб-қувватланди.
Парламентнинг иккала палатасида дебатлар натижаларига кўра келишилган матнни Миллий мажлисда 87 депутат ёқлаб чиқди, 5 киши қарши овоз берди. Сенатда фавқулодда ҳолат режими узайтирилишини 316 сенатор қўллаб-қувватлади, 26 нафари қарши чиқди.
14 июль куни Ниццада содир бўлган ҳужумдан сўнг Олланд мамлакатдаги фавқулодда ҳолат режимини яна уч ойга узайтирганди.
Режим Парижнинг «Батаклан» клубида содир этилган терактлардан кейин киритилган эди.