Қозоғистон президенти Нурсултон Назарбоев Олмаота шаҳрида миллий хавфсизлик қўмитаси департаменти ва полицияга уюштирилган қуролли ҳужумни теракт деб атади. Бу ҳақда у Остонада бўлиб ўтган Хавфсизлик кенгаши йиғилишида айтиб ўтди, деб хабар беради «РБК».
«Бугун Олмаотада террорчилик акти содир этилди ва, афсуски, яна инсонлар орасида қурбонлар бўлди», — деди Назарбоев.
Шунингдек, давлат раҳбари шаҳарда ҳуқуқ-тартиботни сақлаш учун барча чоралар кўриш, турли ваҳимали гап-сўзлар тарқалишининг олдини олиш юзасидан кўрсатмалар берди.
«Олмаота аҳолисини мунтазам бохабар этиб туриш лозим. Мишмишлар тарқалишининг олдини олиш ва провокаторларни аниқлаш керак», — деди Назарбоев.
Олмаотадаги отишмада, охирги маълумотларга кўра, тўрт киши ҳалок бўлди.
Изоҳ (0)