Тошкентнинг Дархон даҳасида 17 июлга ўтар кечаси қора рангли Lacetti автомобили иштирокида йўл-транспорт ҳодисаси юз берди. Бу ҳақда Facebook’даги «Водители Ташкента» гуруҳида фотохабар қолдирилган.
Фотохабар 3:02 да қолдирилган бўлиб, унинг муаллифи сурат ҳодиса жойидан соат 2:24 да олинганини маълум қилган. «Даҳшатли авария! Тонг соат 3:45 да ўтганимда ҳам кўрдим», — деб бу хабарга изоҳ қолдирган бошқа бир фойдаланувчи.
Илова қилинган суратда тўқнашув натижасида йўл ўртасидаги ажратиб турувчи тўсиқнинг бир неча метри йўқ бўлиб кетганини, тўқнашув жойида автомобиль бампери ва майда бетон бўлаклари сочилиб ётганини кетганини кўриш мумкин.
Ҳодисада Lacetti’дан бошқа автомобиль ҳам иштирок этганми-йўқми, бу ҳақда аниқ маълумот берилмаган. ЙТҲ натижасида тан жароҳати олганлар тўғрисида расмий ахборот йўқ.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)