Тошкент автомобиль ҳалқа йўлининг Келес кўпригига яқин қисмида 13 июль, чоршанба куни маҳаллий вақт билан 18:00 атрофида йўл-транспорт ҳодисаси юз берган. Бу ҳақда Facebook’даги «Водители Ташкента» гуруҳида фотохабар қолдирилган.
Ҳодиса гувоҳларининг ёзишича, «Москвич» автомобили йўл ўртасидаги бетон устунга бориб урилган. Тўқнашув натижасида автомобиль тиклаб бўлмас ҳолатга келган. Фойдаланувчиларнинг ёзишича, автомобиль авариядан сўнг бундай ҳолга келиши учун, жуда катта тезлик билан ҳаракатланиши керак.
Авария натижасида тан жароҳати олган ёки қурбон бўлганлар ҳақида аниқ маълумот йўқ. «Водители Ташкента» гуруҳининг баъзи аъзолари, бундай тўқнашувдан сўнг кишининг омон қолиши имконияти кам эканлиги ҳақида фикрлар билдирган.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)