Тошкент шаҳрининг Мирзо Улуғбек туманида, ТТЗдаги «Korzinka.uz» супермаркети яқинида 13 июль оқшомида икки Matiz иштирокида йўл-транспорт ҳодисаси юз берди. Бу ҳақда Facebook’даги «Водители Ташкента (Drivers.uz)» гуруҳида фотохабар қолдирилган, ҳодиса гувоҳлари воқеа тафсилотлари билан ўртоқлашган.
«ТТЗдаги «Korzinka.uz» яқинида қаттиқ авария бўлган. Мен етиб борган вақтим, тез тиббий ёрдам машинаси шифохонага жўнаб кетди. Matiz’ни ташлаб юборса ҳам бўлади. Бир неча кишини машина ичидан олиб чиқишган ва улар йўл ёқасидаги майсазорда ётган эди», — деб ёзади фотохабар муаллифи.
Фойдаланувчилардан бирининг ёзишича, йўлда ҳаракатланиб келаётган Matiz йўл ёқасида турган Matiz’га бориб урилган. «Келиб урилган Matiz ичида тўрт киши бор эди, ҳаммаси тирик эди, бари спиртли ичимлик таъсири остида эди», — деб ёзади воқеа гувоҳи.
Гуруҳ аъзолари ўз комментларида йўлларда рухсат этилганидан юқори тезликда ҳаракатланишни, маст ҳолда автомобиль бошқаришни кескин қоралаган.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)