Эйро ва Чавушўғли телефон орқали Туркиядаги вазиятни ва Ниццадаги терактни муҳокама қилди

Франция ташқи ишлар вазири Жан-Марк Эйро ўзининг туркиялик ҳамкасби Мавлуд Чавушўғли билан телефон орқали суҳбатлашди, деб ёзади «ТАСС» Франция ташқи сиёсий идорасига таяниб.

Икки вазир Туркияда олди олинган давлат тўнтаришига уринишни муҳокама қилди. Мавлуд Чавушўғли ноҳарбий ҳукумат вазиятни ўз қўлига қайтариб олганини тасдиқлади. Жан-Марк Эйро Туркия демократияси ушбу синовдан муваффақиятли ўтиб, мустаҳкамланишини тилади.

Ўз навбатида, Туркия вазири 14 июль куни кечқурун Франциянинг Ницца шаҳридаги теракт юзасидан мамлакат халқига ҳамдардлик билдирди.

Вазирлар келаси ҳафта Вашингтонда ИШИДга қарши кураш бўйича халқаро коалиция мажлиси доирасида учрашишга келишиб олди.