АҚШ президенти Барак Обама Ниццада 14 июль куни содир бўлган «мудҳиш теракт»ни бутун мамлакат аҳолиси номидан қоралади. Давлат раҳбарининг баёноти Оқ уй сайтида эълон қилинди, деб ёзади «РБК».
Обама АҚШ халқи номидан қурбонларнинг оилалари ва яқинларига ҳамдардлик изҳор этди, яраланганларга тезроқ соғайиб кетишни тилади. Унинг сўзларига кўра, у ўз жамоасига Франция ҳукумати билан алоқада бўлиб туришни буюрган. Обама Францияга ҳужумни текшириш ва айбдорларни жавобгарликка тортишда ёрдам таклиф қилган.
Оммавий қурбонларни келтириб чиқарган ҳужум 14 июль, пайшанба куни кечки пайт Ниццадаги Инглиз қирғоғида содир бўлди, у ерда ўша вақтда Франция Миллий байрами шарафига отилган мушакларни томоша қилаётган минглаб кишилар бўлган. Маълумотларга кўра, оломон ичига юк машинаси бор тезлиги билан бостириб кирган, натижада 77 киши ҳалок бўлган, юзлаб кишилар жароҳат олган.
Изоҳ (0)