Сурия президенти Башар Асаднинг душманлари Россия ва Сурия авиацияси бомбардимонлар чоғида кимёвий жанговар ўқ-дорилардан фойдаланаётгани ҳақида видеосюжет тайёрлашни бошлади, деб ёзади «РБК» Россия ташқи ишлар вазирлиги сайтига таяниб.
«Бизнинг маълумотларимизга кўра, ‘суратга олиш гуруҳи’ Голливуднинг энг яхши анъаналарига хос тарзда болалар ўлимига сабаб бўлаётган ‘авиаҳужумлар’ни муҳрлади. Ушбу томошани ҳақиқатга яқинроқ қилиш учун турли махсус эффектлар, хусусан, сариқ рангли тутун қўлланилди», — дейилади хабарда.
ТИВ ўз хабарида Россия бомбардимонларда кимёвий қуролдан фойдаланмаслигини яна бир бора таъкидлади. Зарбалар эса фақат ИШИД ва «Жибҳат ан-Нусра» гуруҳларига берилади.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)