Россия ҳарбий-коинот кучлари ва Сурия ҳарбий-ҳаво кучлари фақат ИШИД ҳамда «Жабҳат ан-Нусра» террорчилик гуруҳларига қарши операциялар ўтказмоқда. Улар томонидан кимёвий моддали ўқ-дорилар қўлланилаётгани йўқ. Бу ҳақда Россия ТИВ маълум қилди, дея хабар беради «ТАСС».
«Россия томонига Башар Асад тузуми душманлари Сурия—Туркия чегарасида Россия ва Сурия авиацияси гўёки кимёвий моддалар тўлдирилган, тақиқланган ўқ-дорилардан фойдаланилаётганини исботловчи видеолавҳани тасвирга олгани маълум бўлди.
Ушбу муносабат билан яна бир бор Россия ҲКК ва Сурия ҲҲК фақат ИШИД ҳамда ‘Жабҳат ан-Нусра’ террорчилик гуруҳларига қарши операциялар ўтказаётгани ҳамда улар томонидан кимёвий моддали ўқ-дорилар қўлланилмаётганини маълум қиламиз», — дейилади Россия ТИВ баёнотида.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)