Хитойнинг энг бой одами Ван Цзяньлинга тегишли Dalian Wanda компанияси Американинг Viacom медиа фирмаси билан Голливуднинг энг қадимий киностудияси Paramount Pictures’нинг 49 фоизини сотиб олиш бўйича музокараларга киришди. Бу ҳақда The Wall Street Journal маълумотига таяниб, «РБК» хабар бермоқда.
Нашрнинг маълум қилишича, Paramount’нинг назорат пакетига эга миллиардер Самнер Редстоун компания улушининг сотилишига қарши чиқмоқда. Шартномани студия раҳбарияти, жумладан, унинг бош директори Филипп Доман илгари сурмоқда.
Манбалардан бирининг маълум қилишича, Viacom Paramount’нинг улуши хитойликларга сотилгандан сўнг, унинг капитализацияси 8—10 миллиард долларгача бўлган суммани ташкил этишига асосланмоқда.
Paramount битими Ван Цзяньлиннинг Голливуддаги иштирокини кенгайтиради. Январь ойида у 3,5 миллиард долларга Legendary Entertainment студиясини харид қилган эди.
Изоҳ (0)