Корея Республикасига Американинг THAAD ракетага қарши мудофаа мажмуаларининг жойлаштирилиши мамлакат Миллий мажлиси (парламенти) томонидан маъқулланиши талаб этилмайди. Бу ҳақда мамлакат ташқи ишлар вазири Чо Чжун Хек маълум қилди, деб ёзади «ТАСС».
«Ушбу жараён конституциянинг парламент Корея Республикаси қўшинларининг чет элга юборилишини ҳам, чет эл қўшинларининг мамлакатга жойлаштирилишини ҳам маъқуллаши кераклиги ҳақидаги моддасига мос тушмайди», — деди у.
Аввалроқ Жанубий Корея ташқи ишлар вазири Юн Бён Се АҚШнинг мамлакатда ўрнатиладиган THAAD ракетага қарши тизими учинчи мамлакатларга, жумладан, Россия ва Хитойга қарши қаратилмаслигини маълум қилган эди.
Жанубий Корея расмийларига кўра, THAAD 2017 йил охиригача ўрнатилиши мумкин. Ўз навбатида, Шимолий Корея расмийлари қўшни давлатда ракетага қарши тизимлар жойлаштирилиши жавоб чораларисиз қолмаслигини маълум қилди.
Изоҳ (0)