Америкалик саратонга чалинган ити учун мамлакат бўйлаб саёҳат уюштирмоқда

Америкалик Роберт Куглер Белла лақабли саратон касалига чалинган ити билан мамлакат бўйлаб саёҳатга чиқди. Бу ҳақда CNN ҳикоя қилмоқда. 

Небраскада яшовчи Куглер лабрадорни бундан 9 йил аввал боқиб олганди. Ўтган йил май ойида жониворда остеосаркома аниқланди. Шундан сўнг унинг эгасида саёҳат ғояси туғилди. «Бир куни уйга қайтганда уни ўлик ҳолда топишни истамайман», — дейди америкалик. 

Ўзларининг АҚШ бўйлаб саёҳатларини Куглер ва Белла Чикагодан, денгиз пиёда аскарлари билан учрашувдан бошлади: Роберт бир пайтлар ушбу бўлинмада хизмат қилганди. Шундан сўнг улар Кливленд, Филадельфия, Вашингтон шаҳарлари, Ниагара шаршараси, Адирондак тоғ тизмаси ва бошқа манзилларга борди. Ҳозирда икковлон Флоридада бўлиб турибди ва сафарларини давом эттириш ниятида. 

Роберт нафақат севимли ити, балки инсонларни ҳам ўйлаб саёҳатга жазм этганини эътироф этади. «Атрофдагиларни яшашга чорламоқчиман. Бир-бирингизни шу ҳолингизча севинг, ардоқланг, дўстлар оттиринг», — дея даъват этади Куглер.