Xitoyning eng boy odami Van Szyanlinga tegishli Dalian Wanda kompaniyasi Amerikaning Viacom media firmasi bilan Gollivudning eng qadimiy kinostudiyasi Paramount Pictures’ning 49 foizini sotib olish bo‘yicha muzokaralarga kirishdi. Bu haqda The Wall Street Journal ma’lumotiga tayanib, “RBK” xabar bermoqda.
Nashrning ma’lum qilishicha, Paramount’ning nazorat paketiga ega milliarder Samner Redstoun kompaniya ulushining sotilishiga qarshi chiqmoqda. Shartnomani studiya rahbariyati, jumladan, uning bosh direktori Filipp Doman ilgari surmoqda.
Manbalardan birining ma’lum qilishicha, Viacom Paramount’ning ulushi xitoyliklarga sotilgandan so‘ng, uning kapitalizatsiyasi 8—10 milliard dollargacha bo‘lgan summani tashkil etishiga asoslanmoqda.
Paramount bitimi Van Szyanlinning Gollivuddagi ishtirokini kengaytiradi. Yanvar oyida u 3,5 milliard dollarga Legendary Entertainment studiyasini xarid qilgan edi.
Izoh (0)