БМТ бош котиби Пан Ги Мун Жанубий Хитой денгизидаги ҳудудларга даъво қилаётган мамлакатларни мазкур минтақада кескинликни кучайтириши мумкин бўлган ҳаракатлардан тийилишга чақирди. Бу ҳақда Хитойнинг ушбу денгизга даъволарини асоссиз деб топган Гаагадаги суд қарорига изоҳ берган бош котиб расмий вакили Стефан Дюжаррик маълум қилди, дея хабар беради «ТАСС».
«Бош котиб барча томонларни Жанубий Хитой денгизидаги баҳсларни тинчлик ва муроса йўли билан, мулоқот орқали ва халқаро ҳуқуқ, жумладан, БМТ уставидан келиб чиқиб ҳал этишга чақирди. Кескинликни кучайтириши мумкин бўлган ҳаракатлардан қочиш ўта муҳим аҳамиятга эга», — дея таъкидлади Дюжаррик.
Изоҳ (0)