Австралияда ОИТС эпидемияси охирига етди, 2020 йилга келиб эса мамлакат ОИВ юқтириш ҳолатларига деярли тўлиқ барҳам бериши мумкин. Бу ҳақда 17 июлда Дурбанда (ЖАР) очиладиган ОИТС бўйича XXI халқаро анжуман арафасида чоп этилган бюллетенда маълум қилинди, дея хабар беради Science News.
Ҳозирда Австралияда ҳар йили мингга яқин ОИВ юқтирган беморлар аниқланади. Бу эса, Жаҳон соғлиқни сақлаш ташкилоти (ЖССТ)га кўра, мамлакатда инфекция эпидемияси тўхтаганини билдирувчи кўрсаткич. Шифокорларнинг билдиришича, ОИВ юқтиришнинг камайиши вирусга қарши самарали терапия билан биргаликда Австралияда 2020 йилга келиб ОИТСдан ўлим ҳолатларига чек қўйилишига олиб келади.
Бундай муваффақиятларни тадқиқотчилар профилактика чоралари ва вирусга қарши самарали терапия билан боғламоқда. Биринчи йўналиш хавф гуруҳларига кирувчилар билан ишлаш, шунингдек, мактаб, ўқув юртлари ва тиббиёт муассасаларида махсус таълим дастурлари киритилишини ўз ичига олади. Иккинчиси эса ўз вақтида қўлланадиган замонавий вирусга қарши терапиядан иборат.
Изоҳ (0)