Вермонт штатидан сенатор Берни Сандерс АҚШ президентлигига сайловларда ўз рақиби — Ҳиллари Клинтонни қўллаб-қувватлашини эълон қилди, деб ёзади «ТАСС». Шу тариқа, у Демократик партиядан даъвогарлар ўртасидаги Оқ уй учун курашдан чиқишга қарор қилди.
«Биргаликда биз барчамизнинг манфаатларимизни акс эттирувчи ҳукумат учун курашда давом этамиз. Биргаликда биз сиёсий инқилобни бошладик, у ҳамон давом этмоқда», — деди сенатор. «Клинтон Демократик партиядан президентликка номзод бўлади, кейин эса АҚШ президентига айланади», — дея ишонч билдирди у.
Сандерс Демократик партия праймериз (бирламчи сайловлар) ва кокус (партия активи йиғилишлари)ларида унга овоз берган 13 миллион америкаликка миннатдорлик билдирди.
Изоҳ (0)