АҚШнинг Миннесота штатида полиция ходими маҳаллий фуқаронинг ўлими текширилаётган вақтда маъмурий таътил (иш жойи ва ойлик сақланиб қолинади, аммо ўз вазифасини бажариш ҳуқуқи олиб қўйилади)га чиқарилди, дея хабар бермоқда CBS телеканали.
6 июль куни кечқурун полиция патруль офицери ҳужжатларни текшириш учун 32 ёшли Фернандо Кастиль ўз севгилиси ва тўрт ёшли қизи билан ўтирган машинани тўхтатди. Қизнинг айтишича, Кастиль ҳужжатини олиш учун чўнтагига қўлини олиб борганида тартиб посбони унга тўрт марта ўқ узди. Бундан аввал эркак полициячига ёнида қурол борлиги ва бунинг учун зарур лицензияга ҳам эгалигини маълум қилган.
Бир неча соатдан кейин афроамерикалик маҳаллий касалхонада вафот этди.
Изоҳ (0)