Ўзбекистондаги барча масжидларда Ҳайит намозини ўқиш вақтлари белгиланди, дея хабар бермоқда Ўзбекистон мусулмонлари идораси расмий сайти.
Жумладан, Тошкент шаҳридаги масжидларда Ҳайит намози 2016 йил 6 июль, чоршанба куни тонг соат 05:15 да ўқилади.
«Қорақалпоғистон Республикаси ва вилоятларда Ҳайит намозининг ўқилиш вақти тақвимдаги вақт тафовутлари асосида ҳудудлардаги масжидлар томонидан эълон қилинади», — дейилади идора хабарида.
Аввалроқ Ўзбекистон Президентининг Рамазон ҳайитини нишонлаш тўғрисидаги қарори эълон қилингани, унда Ўзбекистон мусулмонлари идорасининг 2016 йилда Рамазон ҳайитининг биринчи куни 6 июль, чоршанба кунига тўғри келиши ҳақида қабул қилган қарорини эътиборга олиб, 2016 йил 6 июлни дам олиш куни деб белгилаш ва Ўзбекистонда байрам сифатида кенг нишонлаш ҳақида кўрсатма берилгани ҳақида хабар берилган эди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)