Тошкентда 3 июль куни ҳаво ҳарорати +38 даражагача кўтарилади

Ўзбекистонда 3 июль, якшанба куни ҳаво ҳарорати аввалги кунларга нисбатан бироз салқинроқ бўлади. Бу ҳақда «Ўзгидромет» маркази хабар бермоқда.

Якшанбага ўтар кечаси Ўзбекистоннинг тоғли ҳудудларида +10...+15 даража, Қорақалпоғистон Республикаси ва Хоразм вилоятида +17...+22 даража, Тошкент, Самарқанд, Жиззах, Сирдарё вилоятларида +18...+23 даража, Тошкент шаҳрида +20...+22 даража илиқ бўлади.

Бухоро, Навоий, Қашқадарё, Сурхондарё, Андижон, Наманган ва Фарғона вилоятларида 3 июлга ўтар кечаси ҳаво ҳарорати +20...+25 даража илиқ бўлиши кутилмоқда.

3 июль куни кундузи тоғли жойларда ҳаво ҳарорати +20...+25 даража, Қорақалпоғистон Республикаси ва Хоразм вилоятида +31...+36 даража, Фарғона водийси вилоятларида +32...+37 даража, Тошкент шаҳрида +36...+38, қолган ҳудудларда +38...+39 даражагача иссиқ бўлади.

Ўзбекистоннинг тоғли ҳудудларида 3 июлга ўтар кечаси ва 3 июль куни кундузи қисқа муддат ёмғир ёғиши, момақалдироқ бўлиши, шамолнинг тезлиги эса сониясига 15—20 метргача кучайиши эҳтимоли бор.