Бангладешда 20 киши қурбон бўлган ҳужумдан сўнг икки кунлик мотам эълон қилинди. Мамлакат бош вазири Шайх Ҳасина Вазид шундай қарор қабул қилди, деб хабар беради «РБК».
«Бегуноҳ инсонларни ўлдириб, нима эришмоқчисиз? Ислом тинчлик дини саналади. Сизлар нафрат хуружлари билан динимизни бузолмайсиз», — деди у телевидение орқали миллатга мурожаати чоғида.
Охирги маълумотларга кўра, ресторанда ҳалок бўлганларнинг камида 9 нафари италиялик эди. Яна тўққиз нафар Япония фуқароси бедарак йўқолган ҳисобланмоқда.
Изоҳ (0)